Jacob Maus, der ledrer, hat versaczt sein haus, gelegen vor Werdertors gegen Sant Johanns capelln über zenagst Niclasen des Huber haus, davon man jèrlich dint dem kaplan der benanten cappellen zu dem ewigen jartag den Steffan von Weissenpach in derselben capellen zu stifften geschafft hat, x s. d. zu purkrecht und nicht mer. Dem erbern Hannsen Schram, dem ledrer, anstat und zu handen Micheln, seins suns, in den rechten als hernach geschriben stet, umb xiiii tl. d., die dem benanten Micheln seins tails zúgehörnt von des egnanten hauss wegen das der egenant Schram verchaufft hat, und umb iiii tl. d., von ains petts wegen mit seiner zugehörung, und umb v tl. lx d., von ainem silbrein vergulten fraungürtl wegen, so frau Anna weilent des egnanten Hannsen Schramen hausfrau dem egnanten Micheln irm sún geschafft hat, nach lautt irs gescheffts, das im statpuch geschriben stet. Das alles mit sumen pringet xxiii tl. und lx d. und sind zu beczalen wenn derselb Michel vogtpér wirt darnach an alles vercziehen. Und der egenant Jacob Maus und sein erben oder wer das haus innhat sullen dem egnanten Schramen anstat und zu handen seins suns alle jar an sant Margreten tag davon raihen und dienen xviii s. d. an abslag des haubtguts. Wér aber das der egenant Michel mit dem tod abging ungevogter, so sullen denn aus der obgnanten sumen xviii tl. d. von des egnanten hawss und des petts wegen gevallen auf den obgnanten Hannsen Schramen seinem vater lediclich und die ubrigen v tl. und lx d. von dem egnanten gurtl wegen hincz Sand Steffan zu dem heiligtum nach lautt der egnanten fraun Annen seligen geschefft ungeverlich. Actum an Mittichen nach Margarethe, anno etc. xlvito.

Summa xlvi d.

Schram habet cedulam.

Den sacz hat Hanns Schram und seiner hausfraun seligen geschefftleut ledig gesagt, feria sexta ante Urbani, anno etc. liiiito.