Eintrag vom 1447-03-31Informationen zum Dokument

Jorg Vischer und Elspeth, sein hausfrau, die emalen Josten den kramer auch elichen gehabt hat, habent versaczt ir haws, gelegen am Salczgriess zenagst Hansen des Würer haus. Dem erbern weisen Steffan Denken, dieczeit des rats, anstat und zu handen junkfraun Kathrein, der egnanten Elspeten tochtter, die sy mit dem egnanten Josten gehabt hat, und irn erben, umb lxx tl. d., die ir von des egnanten irs vaters haus das verchaufft ist zugeburnt, und sind zu beczalen wenn sy vogtpér wirt oder ob sy ungevogt abging darnach irn nagsten erben und sullen auch sey mit der vorgnanten sumen phening und andern irn gütern innhaben ziehen und verwesen und mit allen notdurften versorgen an abslag irs guts die weil sy ungevogt ist, ut littera sonat. Actum an Freitag vor dem Palmtag, anno etc. xlviio.

Summa ½ tl. xx d.

Nota den genanten sacz hat her Paul Kramer der den von der genanten Elsbeten seiner swester geerbt hat ledig gesagt, an Montag post Invocavit anno etc. xlv lmo.