Jacob Smal hat gemacht seiner hausfrawn Kathrein Artolfs des Leupolczdorffer seligen tochter auf seinem haus und seiner zugehorung am Judenplacz gelegen, zenagst Hannsen Hintperger des stainmeczen haus, zwaihundert phunt Wienner d. Also ist daz er mit tod abget, er dann die vorgenant Kathrey sein hausfraw, so sol sy dann die obgenant cc tl. d. auf dem egenant haws und seiner zugehörung, lediklich haben, si sol auch dann dasselb haus mit allen gmechen gleich halbs dafür innhaben, nuczen und niessen, solang uncz das es sein nagst erben oder wem er daz schafft, dasselb haus ganczes umb die egenant cc tl. d. von ir lösent. Wér aber, daz di egenant Kathrey mit dem tod abging ee denn der obgenant Jacob Smal, so sind im dann die obgenant cc tl. d. auf dem egenant haus genzlich ledig ut littera sonat. Actum an Montag vor der Heiligen drew kunig tag, anno domini etc. xlviiiino.

Summa xiii s. x d.

Nota die egenant cc tl. d. hat Jorg Ender anstat und zuhanden der egnant Smalin pey dem puch von Hannsen dem Krénkchlein von Waidhofen ingenomen an Mitichen ante Laurenci anno etc. lvito.