Eintrag vom 1449-07-21Informationen zum Dokument

Jorg Waldner kursner und Anna sein hausfraw habent verkaufft funfczenhenthalb phunt phenning gelts purkrechts auf der ubertewrung irs hauss gelegen im gesslein bei den Weissenprúdern zenagst Conrats von Miltenberg des pader haus uber die hundert und aindlef phunt phenning, dafúr es dem burgermaister und rat der stat zu Wienn emaln versaczt ist nach innhaldung ains saczbriefs daruber lauttend. Dem ersamen geistlichen herren pruder Hannsen von Wienn diezeit prior des klosters dacz den Weissenprudern zu Wienn den convent gemain daselbs und irn nachkomen umb clxxiiii tl. d. In ansichtigung der mezz und des liechts so fraw Elsbet die Gamczerinn in den egenant kloster zestifften geschafft hat. Und sind zu dienn zu drein tegen und wider abzekauffen albeg fünf phunt geltcz mit lx tl. d. und den nagsten dinst damit ut littera sonat. Actum an Montag vor sand Maria Magdalen tag, anno domini etc. xlviiii.

Summa xi s. xiiii d.

Das purkrecht habent die vorgenant geistlichen herren ledig gesagt per fratrem Stephanum Krafft. Feria etc. quinta ante Letare, anno etc. liido.