Jorg Winkler in der Kunphlukchen hat versaczt sein haws, daselbs vor Kernertor gelegen, zenagst unsers genedigisten herren des kunigs stadl an aim tail, mit aim weingarten, in den Múrrn gelegen, der der korherren grunt ist, den erbern Kunraten Grödell und Hannsen Kamrer mitburger zu Wienn Hannsen des Winkler seins pruder seligen geschefftleuten anstat und zuhanden Florians und Wolfgangs des benant Hannsen Winkler seligen kindern und irn erben. Umb funfczig phund phenning. Also das er dieselben kinder damit innhaben ziehen und verwesen sol an abslag uncz si vogtper werden, so sullen dann er und sein erben den benanten kindern oder irn ereben, ob sy ungevogt abgingen, egenant funfczig phund phenning ausrichen und beczalen an alles vercziehen ut littera sonat, der nicht mit der stat gruntinsigl gevertigt ist1. Actum an Montag vor sand Pangreczen tag, anno etc. liido.
Summa lx d.
Nota den vorgenant sacz hat Wolfgang Winkchler ledig gesagt an Montag nach sand Katherin tag. Actum etc. lviiii.