Eintrag vom 1454-05-25Informationen zum Dokument

Jacob Ménhart und Martha sein hausfrau habent versaczt ir haws gelegen in der Weihenpurkh zenagst Micheln des Pair Ramhof und an Hannsen des Karstorffer haws und stosst mit dem hindern tail an Hannsen Haringseer hof und garten, den erbern Micheln Gémbssen dem túchbraitter und Kunigunden seiner hausfraun umb hundert und zehen pfund pfenning landeswerung und sind zubeczaln dreissig pfund auf sand Michels tag nagstkunfftigen und achczig pfund von demselben sand Michelstag uber zway gancze jar an alles vercziehen und solhe yeczgenante zeit sullen die vorgenant der Gémss und sein hausfrau in dem benanten irm haws ir wonung und darczu drey geméch haben, ainen underm dach, ain kamer neben der stuben, ainen keller im hof neben irm grossen keller und ainen winkl in der stuben und sullen auch in der kuchen pei irm fewr kochen nach irn notdurfften an allen hofczins als si das in dem kauff desselben hauss ausgenomen habent ut littera. Actum an Montag vor sant Urbanstag anno etc. liiiito.

Summa vii s. x d.