Eintrag vom 1456-02-06Informationen zum Dokument

Jorg Prew der sneider hat versaczt sein haws mit aller seiner zugehorung gelegen auf der Alsserstrazz, zenagst Ulreichs Velabrunner haws mit der obern seitten, davon man jerlich dint der stat zu Wienn lxxviii d. an sant Michels tag zu gruntdinst und nicht mer, dem erbern Simon Reispekchen dem pekhen, an stat und zu handen junkfrawn Helen und Barbaren seiner kinder, die er bei seinere erern hausfrawn Preyden seligen gehabt hat, und irn erben umb sechczig phunt phenning die der benant junkfrawn Helen und Barbaren zu irm tail zugepúrnt von irs muterlichen erbtails wegen, so si gehabt haben an dem egenant haws, daz der benant ir vater dem egenant Prew zu kauffen gegeben hat. Und sind zubeczalen auf sand Johanns tag zu sunbenden nagstkunfftigen anvercziehen. Actum an sand Dorothea tag, anno domini etc. lvito.

Summa ½ tl. d.