Jorg Smidl und Margreth sein hausfrau habent versaczt die ubertewrung irs hauss gelegen am Newnmarkt zenagst Hannsen des Hirssen haus uber die sechsundczwainczig pfunt pfenning, darumb es vormalen der stat hie zu Wienn versaczt ist den erbern weisen Steffan Tengken dieczeit des rats und Thomen Sibenburger anstat und als gerhaben Kunczen und Hannsen Kunrats Rottinger kinder und irn erben umb sibenunddreissig pfunt und sibenundsibenczig pfenning der swarzen munss landeswerung in Osterreich. Und sind zubeczalen auf sant Michelstag nagstkunfftigen an alles vercziehen. Actum an Freitag nach sant Kathrein tag Anno etc. lvito.

Summa lxxiiii d.