Jacob Starch hat versaczt sein haws mit aller seiner zugehorung gelegen am Alten Kolmarkt zenagst Jorgen Goltperger des satler haws dem edln Pangreczen Scharnner und seinen erben umb hundert pfunt pfenning der swarczen munss landeswerung in Osterreich und sind zubeczaln von datum der saczung ynner den nagstkunftigen vir jarn an alles vercziehen und sullen in alle jar davon raichen und geben zehen pfunt pfenning in den zwain tégen im jar halb an sand Jorgen tag, halb an sant Michels tag und sullen mit dem ersten dinst anheben an sand Jorgen tag nagstkunftigen, doch also das der egenant Starch oder sein erben das benant ir haws ains yeden jars herwider gelosen mugen umb die egenant hundert pfunt pfenning und den negsten dinst damit, der denn dieselb zeit davon zu dienn gevellet an des Scharner und seiner erbern irrung und solich losung sullen sy ja vir wochen vorhin zuwissen tún das sy sich darnach wissen zurichten ut littera sonat. Actum an Mitichen vor sand Colmans tag anno domini etc. lviio.

Summa vi s. xx d.