Eintrag vom 1459-03-16Informationen zum Dokument

Jorg Talhamer burger zu Wienn hat versaczt sein haws mit seiner zugehorung darinn er yeczund ist gelegen am Harmarkt zenagst Petern des Gwérlich haws mit allen den gemechen und gemainen stukchen die nach lautt der tailbrief darczu gehörnt. Der erbern Annen Hannsen Gold tochter seiner hausfrawn. Umb zwaihundert phunt phenning haimstewr und umb drew hundert phunt phenning widerlegung nach der statrechten zu Wienn ut littera sonat. Actum an Freitag vor dem heiligen Palm tag, anno domini etc. lviiiio.

Summa iiii tl. xl d.

Ex iussu consilii.

Nota von der vertigung wegen ist ain schermbrief zum puch erlegt.

Nota die benant Anna ist vor dem Talhaimer irm mann mit tod abgangen an leibserben, darumb sein im die iiic tl. d. morgengab ledig aber die iic tl. sein durch Hannsen Jungksteter, der des haws nucz und gwer stet wider darauf verschriben als haimstewr. Registratum ist ut patet libro novo E fo. 29.