Eintrag vom 1459-12-07Informationen zum Dokument

Jorg Starch hat versaczt sein haus gelegen an der vordern Pekchenstrass zunagst Hannsen Progenlein an aim haus an aim tail der erbern frawn Sabina seiner hausfraun Merten von Weytra des verber und frawn Margrethen seiner hausfraun seligen tochter und irn elichen leiberben, ob sy die gewwynnt und lembtig hinder ir lét umb drithalb hundert phunt phenning der swarczen múnss landeswerung in Osterreich, dy die vorgenant fraw Margreth selige der egenanten Sabina irer tochter geschafft hat in solher maynung, das sy die egenanten drithalb hundert phunt phenning innhaben núczen und niessen sol ir lebtég als leibgedings recht ist, und nach irm tod sullen denn dieselben drithalbhundert phunt pehnning erben und gevallen auf ir elich leiberben lediclich. Wer aber daz sy mit tod abging und nicht leiberben hinder ir liess oder ob sy leiberben hinder ir liess und das die auch abgingen ee denn sy vogtper wurden, so sullen dann der egenanten iiic tl. d. zwen drittail erben auf der obgenanten frawn Margreten der Sabina muter nagst erben und ain drittail desselben gelts durch got und irer sel hayls willen gegeben werden nach innhaltung derselben frawn Margreten seligen geschefft das zugedéchtnuss zu Wienn in dem statpuúch geschriben ist ut littera sonat. Actum an Freytag nach sand Niclas tag, anno etc. lviiiino.¹

Summa iiii tl. xl d.

Nota der obgenant sacz ist gevallen auf Joh(ann) Starch und Appolonien Math Denkl des kursner hausfraw der obgenant Sabinen kinder. Und maister Ulrich Stadlmayer alz gewalttrager des yetzgenant Johannes Jörg Zymerman und Jacob Paier kursner gescheftleutten der egenanten Appolonien hatten den abzuthuen gepeten. Und den saczgeltbrief und sacz zedl mit ainem brief zu dem buch erlegt getadt. Actum an Mitichen nach Letare Anno domini etc. 94.