Jacob Hofmaister hat versaczt die ubertewrung seins hawss hinders und vorders gelegen undern Satlern mit dem undern tail zenagst des Panhalm haws. Und stosset mit dem hindern tail an Andres Hiltprants haws, uber die dritthalb hundert phunt phenning haimstewr und morgengab, darumb er das eemalen Margreten seiner hausfrawn verschriben hat, nach lautt ains briefs, den sy darumb hat. Dem erbern Wolfgangen Laaer kursner, mitburger zu Wienn und seinen erben umb drewhundert Ungrischer guldein gerecht in gold und wag. Und sind zubeczalen von dato der saczung ynner den nagstkunftigen siben jarn an alles vercziehen. Actum an Freitag vor sand Mertten tag, anno etc. lxo.

Summa xv s. d.