Eintrag vom 1467-04-27Informationen zum Dokument

Jorg Prewr burger zu Wienn und Margreth sein hausfraw, die vormalen Wolfgangen Örtl weilent gesessen zu Medling seligen auch elichen gehabt hat, habend versaczt ir zwen drittail hawss gelegen bey den Rotenturn zenagst Thomans Praitenweydinger hawss auf dem Steig an ainem tail, mit allen den gemechen und gemain stukhen, so nach lautt der tailbrief darczu gehörnt. Den ersamen weisen Wolfgangen Ernsthofer statrichter und Stephan Schakh burger zu Rakelspurg zu hannden Erharten der erbern Margrethen Niclasen Veldpacher sun, und sein erben umb hundert und vierundzwaintzig phunt phenning, und sind zu beczalen, von wegen aller der erbguter und varndhab, nichts ausgenomen. So weilent Adam Hertung purger zu Wienn, seinen sun, Hénnslein, der ungevogt mit tod abgangen ist geschafft hat und nún erblich an den bemelten erbaren komen sind nach lautt seiner beweisenen frewntschafft, die im statpuch hie geschriben stet. Und sind zubezalen halb zu den phingsten uber am ain ganncz jare und den andern halben tail, von des Heiligen Krewcztag als es erhöcht ist, auch uber ain ganncz jare und frist nagst nacheiander kunftig an alles verziehen getrewlich und ungeverlich ut littera sonat. Actum an Montag nach sand Jorgen tag, anno domini etc. lxviimo.

Summa i t viii d.

Nota der obgenant Erhartt hat den sacz ledig gesagt und der saczgeltbrief ist bey dem puch vernicht worden. Actum an Sambstag post Omnium sanctorum anno domini etc. lxviiiivo.