Eintrag vom 1468-08-05Informationen zum Dokument

Jorg Fullvaschen ledrer und Barbara sein hausfraw habend versaczt ir hawss und hofstat weingarten hinden daran gelegen vor Stubentor, im Grewtt zenagst Ulreichs Waldner hawss Oswalten der bemelten Barbaren sun, den sy bey irem erern man Jorgen Unger seligen elichen gehabt hat, und noch ungevogt ist. Umb lv tl. Wienner d. der im xl tl. d. von wegen der obgenant hawss, und xv tl. d. umb des berurten seins vater seligen geschefft zugepúren, und umb ain gerichts pett, daz im derselb sein vater auch geschafft hat nach lautt seins gescheffts, daz im statpuch hie geschriben stet. Und ist alles zubeczalen, wann der bemelt Oswalt vogtper wirdet an alles vercziehen. Wer aber daz er ungevogt mit tod abgieng, so sullen die bemelten xv tl. d. halb seiner swester Elspethen kindern, und der ander halb tail durch guetwill gevallen. Und die bemelten xl tl. d. und gerichts pett sullen gevallen auf die obgenant sein muter, davon sol sy ain kelich kauffen und den hincz sand Stephan gen Brobstorff antwurtten, nach lautt seins vater irs erern manne seligen geschefft. Actum an Freitag sand Oswald tag, anno domini etc. lxviiivo.

Summa iii s. xx d.

Enczefelder Stainpacher habet zedulam.