Eintrag vom 1469-07-28Informationen zum Dokument

Jacob Strickhorn und Anna sein hausfraw habend versaczt ir hawss gelegen bey den predigern genant des Krenengel hawss, zenagst Paulen Wagendrússl hawss an ainen tail. Umb zehen phunt Wienner phenning dem ersamen weisen Hannsen Héinel diezeit des rats der stat und kamrer zu Wienn, an stat und zuhannden Marthen Erasmen von Klawsenburg und Annen seiner hausfrau die vormalen Waleschen von Fünffkirchen auch elichen gehabt hat, die ir Kathrey derselben Marthen swester muterhalben von gutem willen lediclich geben hat. Und sind zubezalen auf Weinachten nagstkunfftiglich. Wér aber das sy ungevogt mit tod abgiengen, so sullen dieselben x t. d. widerumb erben und gevallen auf die vorgenanten Kathrein ir swester, ob sy dieselbzeit in lebn ist. Wer sy aber auch mit tod abgangen und verschaiden alsdann auf ir nagst erben darauf sy zu recht erben und gevallen sullen an alles vercziehen getrewlich und ungeverlich. Actum an Freitag nach sand Jacobs tag im snyt, anno etc. lxviiiino.

Summa xx d.

Nota die obgenant Martha [korrigiert aus Margreth] hat den sacz ledig gesagt, Actum an Mitichen sand Barbara tag, anno etc. lxxvito.