Eintrag vom 1469-12-16Informationen zum Dokument

Jacob Aichlperger burger zu Wienn hat versaczt die ubertewrung seins hawss mit aller seiner zugehörung, gelegen am Harkhmarkt Nyden am egkh, zenagst der gassen, als man an den Allten Fleischmarkt geet, an aim tail, und an dem andern, zenagst des Olminsperger seligen hawss. Uber die iiic t. d. haimstewr und funffthalbhundert phunt phenning widerlegung darumb es vormalen seiner hausfrawn Barbaren verschriben ist, dem edlen vesten Symon Pitl zu Hebreichsdorff und sein erben umb zwayhundert und zweliff phunt Wienner phenning und sechsundachtzig Ungrisch und Ducaten guldein, die der vorgenant Pitl maister Perchtolden Gugkh, für den bemelten Aichelperger berait bezalt hat. Und umb newnundnewnczig phunt phenning der egenant munss, die er im beraitt gelihen hat. Und ist die vorgenant summa drewhundert und aindleff phunt phenning Wienner múnss und zusambt den lxxxvi guldein als var stet zubeczalen. Wann der Dreser Pótl ervordert und sein erben oder wem er die schafft macht oder geibt, ervordern und nicht lennger peyten wellen an alles vercziehen getrewlich und ungeverlich. Actum an Sambstag vor Thome appostoli, anno domini etc. lxviiii.

Summa propter precium fiat ii tl. iii s. xx d.

Potl habet cedulam.

Nota der obgenant sacz ist urtail und recht erkannt auszuthun lawt aines gerechtsbrief bey dem buch erlegt. Actum sexta post Auris im 15. 2.