Eintrag vom 1472-02-20Informationen zum Dokument

Jacob Wiltsfewr burger zu Wienn habent verkaufft siben phunt phenning gelts purkrechts auf der ubertewrung seins haws gelegen a der Vischerstieg zenagst der padstuben genannt u den Schewkhen an aim tail und an dem andern zenagst Peternn Rauscher zuhaws uber die sechs phunt phenning gelts purkrechts, so dem capplan die Albrechts Weinstokh mess auf Unser Frawen altar in Unser lieben Frawen cappellen auf der Stetten zu Wienn gestifft hat, vor darauf verschriben und mit xlviii tl. d. abzelosen sein, nach lautt ains purkrechtsbriefs darumb ausgangen, umb lxx tl. Wienner d. dem erbern priester herrn Hannsen Haidler capplan der mess, die herr Peter von Ravenspach in der purger spital vor Kerner tor zu Wienn gestifft hat. Und sein nachkomen capplen der yetzgenanten mess. Und sein zu dienn zu drein tégen im jare und widerumb abzekauffen, mit sibentzigkh phunt phenning Wienner múinss und dem nagsten dinst dait ut littera sonat. Actum an Freitag vor Reminiscere in der vassten, anno domini etc. lxxiido.

Summa iiii s. xx d.