Kunigund, Hannsen Unger des schuester hausfraw, hat versaczt ir halbs haus, daz ir gegen Hennslein Vilshover irm sun an rechter tailung gevallen ist, mit allen geméchen und gemainen stuken, die nach laut der tailbrief darczu gehornt, ganczes gelegen undern Wentkremen am Hohenmarkt zenagst Symons Eslorn des Wachsgiesser haus an ainn tail. Den erbern leuten Erasm Vinken und Mathesen Lanczperger, geschefftleuten und als gerhaben des egenanten Hensleins Vilshofer, und seinen erben, umb xl tl. d. Und sind zu beczaln von datum der saczung uber sechs jar und sol derselben geschefftleúten zu handen des egenanten Hennsleins und seiner erben dieselben sechs jar alle jar davon raihen und diennen iiii tl. d. zu den drein tegén im jar, zu sant Michels tag, ze Weichnachten und zu sand Jorgen tag. Und sullen mit dem ersten dinst anheben zu sand Michels tag nagst kunftig anvercziehen, und an abslag des haubtguts ungeverlich. Actum an Freitag vor unsers Herren auffert tag, anno domini etc. xxxviiiio.

Summa lxxx d.