Kunigund Hannsen des Hagen witib hat verkaufft ain phund phenning gelts purkrechts auf irm haws, gelegen in der Weihenpurk zenagst der Kolpekchin haus umb zwainczig phund phenning dem ersamen herrn Micheln Klingenstain dieczeit pharrer und verweser der kirchen zu Brobststorf und seinen nachkomen zu Andres Harder von Ménestorf jartag, den im ain yeder pharrer jerlich daselbs begen sol und ist dasselb phunt gelts zu dienn ains yeden jars zu phingsten und wider abzukauffen mit zwainczig phundten, und den nagsten dinst damit ut littera. Actum an Freitag nach dem heiligen Auffarttag, anno etc. lio.

Summa xl d.

Nota die obgenant xx tl. d. sind ob dem benant hawss geledigt und ist darumb an iren garten gelegen an dem Goldegk pey der plaich kauft worden.