Eintrag vom 1472-03-02Informationen zum Dokument

Kunrat peym Goczagker, der elter, mitburger zu Wienn hat versaczt sein gross hawss, gelegen vor Kernertor gegen dem spital uber zenagst des Wurmpekhen hawss, der erbern Kathrein Paulen Pekhen von Zwetel hausfrawen, seiner tochter und iren erben. Auch Kunraten beym Goczagker, dem jungern, seinen sun der noch ungevogt ist, und seinen erben ir yedem umb sechsundsechtzigkh phunt phenning, die her-

komen von den zwainhundert phunt phenning die er Dorothen seiner erern hausfrawen Larentzen Lerenstubich von Gumpolczkirchen tochter irer muter seligen auf dem egenanten haws verschriben gehabt hat, und von derselben irer muter erblich an sy komen sein und sind zubezalen der egenanten Kathrein und iren erben irs tails lxvi tl. d. zu sand Merten tag nagstkunfftigen, und den egenanten Kunraten¹ seins tails lxvi tl. d., wann er vogtper wirdet oder ob er ungevogt abgieng seiner nagsten erben an alles verziehen. Doch unvergriffenn den funff phunt phenning gelts purkrechts, so dem capplan der Heiligen Drivaltigkait altar an Sand Michels pharkirchen vor darauf verschriben sein ut littera sonat. Actum an Montag vor sand Kunigunden tag, anno etc. lxxiido.

Summa i tl. d.