Larentz Panholtz hat versaczt sein haws, gelegen an Sant Petersfreithof am egk gegen dem Tumbrobsthof úber zenagst des Furstenkinds haus, das im sein vetter Linhart Panholtz geschafft hat. Andren und Kristen, frawn Margreten yetz Jacoben des Schuester zu Weinczurl hausfrawn des benanten Linharten swester kinder, die noch nicht vogtber sind, umb xl tl. d., der yedem xx tl. zugeburt die in der egenant Linhart seliger geschafft hat nach laut seins geschefftz. Und sind zu beczaln, wenn si vogtber werdent jedem tail seinen tail und sol in alle jar, die weil sie nicht gevogt sein, davon raihen und dienen v tl. d. an abslag irs haubtzguts an all ausczug ungeverlich. Actum feria sexta ante Thome apostoli, anno etc. xxxviiio.

Summa lxxx d.

Nota der vorgenant Kristan ist ein munich und profess in der Augustiner zu Paden kloster und hat die egenant xx tl. seins tails vo den Panholcz ingenomen, darumb er ain quittung hat under des prior und des conventz insigiln. Actum an Freitag vor Katre, anno etc. xliii. Und die ubrigen xx tl. haubtgut vi tl. xlviii d. diss hat er auch zu dem puch gelegt den genanten Andrey, an Freitag vor Thome apostoli, anno etc. xlvto.