Eintrag vom 1440-02-18Informationen zum Dokument

Larencz Pittrolf hat versaczt sein haus, gelegen in der Kumphluken zenagst der Dewtschenherren mairhof, davon man jerlich dint dem kirchmaister hincz Sant Stephan xiiii s. d. ze purkrecht und nicht mer. Den erbern Affren, Dorothen und Elsbeten, Erharts Planken des kalichprenner tochtern, die noch nicht gevogt sind, und Annen, auch seiner tochter, Wolfgangs des Wunsam zu Berchtolczdorf hausfrau, und Pangreczen, Merten des Planken sun, der auch noch nicht gevogt ist, und irn erben, von des egenanten hauss wegen, das der Pittrolf gekaufft hat umb xx tl. d. Und sind zubeczaln auf die nagstkunftigen Weinachtn an alles vercziehen. Actum feria sexta ante Reminiscere, anno etc. xlo.

Summa xl d.

Nota daz obgenant purkrecht ist abgelost worden per Pittrolf, anno etc. xlo.

Nota die vorgenanten Planken habent an stat ir vorgenant kinder das obgenant gelt ingenomen und darumb irn kindern widerumb versaczt ain weingertl gelegen an den seczen bey Radaun des ain rehel ist zes dem Eythes in des Gradner gruntpuch das der zeitlos innhat und an weinagrten gelegen daselb am Reysenperg des i jochl ist ...zes der zech weingarten in des pfarrer von Peltn gruntbuch geschriben stet nach laut der zwair zedeln die zu dem puch gelegt sind. Actum an Montag post Invocavit, anno etc. xlio.