Eintrag vom 1444-05-25Informationen zum Dokument

Liephart Weisse, burger zu Wienn, und Dorothe, sein hausfrau habent versaczt ir haus stadel und garten daran, gelegen vor Werdertor undern Ledrérn zenagst Hannsen Volrats des lauttenmacher haus. Dem erbern Andreen Prew, dem weinkosster zu Wienn, umb dreissig pfunt pfening, die emalen auf desselben Andres halben haus am Alten Fleischmarkt gelegen gewesen, und sein leibgeding sind. Also das er die sein lebtteg innhaben nuczen und niessen sol unverkumert und nach seim abgang sullen sy erben und gevallen auf Jorgen, Ulreichs Swiegken des kursner seins vorvordern seligen sún, ob der aber nicht enwér, darnach auf Ursulen desselben Jorgn muter seligen nagst erben, darauf sy zurecht erben und gevallen sullen. Und alle dieweil der egenant Liephart sein hausfrau oder ir erben die egnanten xxx tl. d. innhabent, so sullen sy dem egnanten Andren sein lebttég alle jar davon raichen und dienn iii ½ tl. d. zu den drein tégen im jar zu sand Michels tag zu Weichnachten und zu sant Jorgen tag, zu yedem tag ix s. x d. an abslag und nach seim abgang sulln sy die egnanten xxx tl. ausrichtten und beczalen dem egnanten Jórgen, Ulreichs Swiegken sun, oder ob der nicht enwér, der vorgenanten Ursulen, seiner muter seligen nagsten erben, den das rechtlich zugepúrt, und darumb ir beweiste frewntschafft furbringent nach der statrechten an alles vercziehen Sy mügen auch, ut littera sonat. Actum an sant Urbans tag, xliiiito.

Summa lx d.

Nota die egnanten xxx tl. d. hat Kristan Wissinger zu des egnanten Jorgen Swiegken hánden ingenomen, an Montag ante Marie virginis in der vasten, lvii.