Eintrag vom 1450-11-18Informationen zum Dokument

Linhart Floderl und Kathrey sein hausfraw habent versaczt ir haus gelegen in der Kernerstrazz am egk, als man in die krugstrazz get, an aim tail, und an dem andern zenagst Hannsen Kieler haus, davon man jerlich dint dem cantor zu Sant Stephan drew phunt phenning zu purkrecht und nicht mer, der edeln frawn Magdalenen Simons Äschpan seligen tochter und herrn Hannsen Steger munssmaister in Osterreich und des rats der stat zu Wienn elichen hausfrawn und iren erben, oder wem si die schafft macht oder geit, hundert phunt und zehen phunt Wienner phenning der swartzen múnnsse, und sind zubeczalen von dem nagstkünftigen sant Kathreintag uber ain gantzes jare an alles vercziehen ·· ut littera sonat. Actum an Mitichen vor sant Elsbeten tag, anno domini etc. lmo.

Summa vii s. x d.