Linhart Lehenholczer ambtman in der Schefstrass hat versaczt sein haus gelegen in der Schefstrass zenagst Hannsen Grúnfelder des pinter haus seiner hausfraun Annen Pauln Rikchl des kramer tochter umb hundert phund phenning, die sy im zupracht hat, und umb zwaihundert phunt phenning die er ir daentgegen gelobt hat. Also ist das er mit tod abget, ee denn dieselb Anna sein hausfrau, sy haben haben kinder miteinander oder nicht, so sind ir dann die obgenant hundert phunt phenning auf dem haus gennczlich wider ledig, dann die zwaihundert phund phenning sol sy demnach ir lentteg auf demselben haus unverkumert innhaben nuczen und niessen und nach irm abgang

---

herwider erben und gevallen auf ire kinder, die sy miteinander gewinnen und hinder in lassen, oder ob die nicht enwern, auf sein nagst erben, darauf sy zurecht erben sullen, oder wenn er die schafft macht oder gibt, wer aber das die benant Anna mit tod abging ee denn er, so sind im dann die benanten zwaihundert phund phenning auch genczlich wider ledig worden. Aber die egenant hundert phund phenning sol er dennoch auch sein lebteg innhaben nuczen und niessen unverkumert und nach seinen abgang sullen sy hinwider erben und gevallen auf der egenant Annen seiner hausfraun nagst erben, oder wem sy die pei irn lebttegen schafft macht oder geit ut littera sonat. Actum an sand Petronellen tag Anno etc. lio.

Summa ii tl. d.

Nota die egenant c tl. d. sind zu dem puch gelegt worden ut registratum.