Linhart Varchtenawer kursner und Anna sein hausfrau habent verchaufft fúnfthalb phunt phenning gelts purkrechts auf der ubertewrung irs hauss, gelegen im Schiltergesslein gegen Jacoben von Velach haws h úber, und zenagst Jacoben Rechwein haus mit der obern seitten, uber die newnczigk pfund phenning, so junkfrawn Helen der egenant Annen tochter, die si mit irm erern mann Tobias Munsser seligen gehabt hat nach lautt ains saczbriefs und der stat gruntpuch emalen darauf verschriben sind, umb sechsunddreissig phunt phenning den ersamen geistlichen herren Bender Hansen von Wienn prior und dem convent des closters hincz den weissenbrudern am Hof und irn nachkomen, und sind zudienn zu drein tegen und wider abczukauffen, miteinander und den nagsten dinst damit ut littera. Actum an Freitag ante Philippi et Jacobi Anno domini etc. liido.

Summa lxxii d.

Pruder Michel guster und pruder Michel informator von Dinkchelspuchl habent das egenant purkrecht anstat des convents ledig gesagt und den purkrechtsbrief ubergeben. Actum am Mitichen vor Thome apostoli anno etc. lviiiio.