Eintrag vom 1454-06-19Informationen zum Dokument

Linhart Strobl messrer und Magdalen sein hausfrau habent verchaufft sechs schilling phenning gelts purkrechts auf der ubertewrung irs hauss gelegen in des Krafftshof zenagst der Widhophin haws an aim tail uber die funf schilling und newn pfenning gelts purkrechts, so Sand Pangreczen cappellen vor darauf hat und uber die sechsthalb pfund pfenning dafur das egenant haws Jorgen Sevelder dem messrer nachmalen versaczt ist umb sechs pfund pfenning dem erbern Jorgen Pantaler kirchmaister zu Sand Michel und seinen nachkomen und gehornt zu den dreissig messen die weilent frau Kathrei Kunrats Awer witib daselbshin zusprechen geschafft hat und sind zudienn zu drein tegen und wider abczuchauffen miteinander und den nagsten dinst damit ut littera. Actum an Mittichen vor sand Johans tag zu Sunwenden, anno etc. liiiito.

Summa xii d.

Nota die obgenant vi s. d. gelts purkrechts hat Jorg Rosenawer und sein hausfraw Anna der obgenant sand Michels kirchen auf allem irm gut verschriben ut purkrechtbrief, den Linhart Perger kirchmaister innhat. Actum an sand Urbans tag Anno etc. lxximo.