Eintrag vom 1458-05-26Informationen zum Dokument

Larencz Swantz, dieczeit des rats der stat zu Wienn, hat versaczt sein haws gelegen am Silberpuhel, am egk, als man an den Kienmarkt get, zenagst Hainreichs Niderhover witiben haws, davon man jerlich dint dem richtter und rat zu Hainburg und irn nachkomen zwelf phunt phenning zu purkrecht, die abczulosen sind, miteinander mit zwainhundert Ungrischer guldein in gold oder zeainczigen ye drew phunt phenning geltz mit funfczig guldein, nach lautt ains purkrechtbriefs darumb ausgangen und nicht mer, der erbern Affren Niclasen Ernsts burger hie zu Wienn tochtter, seiner hausfrawn, umb zwaihundert guter Hungrischer guldein in gold, die sy im zubracht hat zu rechtter haimstewr, und umb dreinhundert Hungrischer guldein in gold zur echtter morgengab, nach der stat rechten, ut littera sonat – ist vernicht¹. Actum an Freitag nach sand Urbans tag, anno etc. lviii.

Summa iiii tl. xl d.

Nota die benant haimstewr und morgengab seinn erblich irn beiden kindern zuegestanden und durch Steffan Swannczen irs sun geschéfft, und Appolonien Aignerin seiner swester und irs manns auffsandt bey dem puch erlegt, der sacz² abgetan und vernicht worden. Actum sexta feria post Nativitatis Marie Anno 96.