Larencz Stadler hat verkaufft acht phunt Wienner phenning geltes purkrechts auf seinem haus und zuhaus aneinander gelegen am Alten Fleischmarkt am Egk zenagst dem gesslein als man zu Kollnerhof get an aim tail und an dem andern zunagst Otten des Meczner haus umb hundert phunt Wiener phenning die weylent fraw Agnes die Lemplhaymerin Hannsen des Kewschen erere hausfrau selige zu hilff der mess auf Sand Florians altar dacz Sand Stephan zu Wienn geschafft hat. Dem erbern hern Pettern Oppenweiler von Haylprunn pharrer zu Eberstorf dieczeit capplan der vorgenanten mess die maister Hainreich Lemplshaymer licentiaten geistlicher rechten auf dem egenant sand Florians altar zustifften geschafft hat, und seine nachkomen capplén derselben mess und sind zu dienn zu drein tegen im jar und wider abzukauffen miteinander mit hundert phunt Wiener phenning un den négsten dinst damit der denn davon zudienn gevellt, ut littera sonat. Actum an Freytag vor sand Petronellen tag, anno etc. lxmo.

Summa xiii s. x d.