Eintrag vom 1471-03-08Informationen zum Dokument

Larencz von Russt und Dorothe sein hausfraw habent verkaufft zehen phunt Wienner phenning gelts purkrechts auf irm halben hawss mit allen den gemechen und gemain stukhen, so nach lautt der tailbrief darczu gehornt, ganczes gelegen mit dem vordern tail in die Wolczeyl und mit dem hindern in die Schultstrass zenagst weylennd Micheln Robl seligen haws, umb hundert phunt Wyenner phenning dem erbern weisen Linharten Perger kirchmaister zu Sand Michel zu Wienn und seinen nachkomen kirchmaistern dasselbs zu hannden der mess so ·· die Gréfenpergerin auf Sand Lienharts altar zu Sand Michel gestifft hat. Und sind zu dienn zu drein tegen im jar und widerumb abczekauffen miteinander mit hundert phunt Wienner phennigen und dem nagsten dinst damit ut littera sonat. Actum an Freitag vor dem Suntag Reminiscere Anno etc. lxximo.

Summa vi s. xx d.

Ire das gelt ist zway puch erlegt ut registratum. Item ains den i c tl. d. hat Jacob Aichlperger Hornperger und Barbara sein hausfraw genomen l tl. d. und die auf irm hawss in der Sungerstrass gelegen in der stat gruntpuch verschriben.

Item Hanns Heindl hat auch genomen l tl. d. und die auf seinen haws vor Widmertor in Prunlukhen zu der pharre vom Hof gruntpuch verschriben.