Matern, Philipps des Smids von Brünn seligen sun, student zu Wienn, und Margret sein muter, desselben Philippen seligen witib, habent verchauft ii tl. d. geltz purkrechts auf irm haus, gelegen in der Wiltberherstrass zenagst Chunczen in der Pruch des sneider haus, davon man jerlich dint hincz Sand Larenczen ze Wienn auch ii tl. ze purkrecht und nicht mer. Umb xvi tl. d., der ersamen geistlichen frawn swester Annen der Liechtenegkerinn, priorinn, und dem convent des egenanten klosters zu Sant Larenczen und irn nachkomen. Und sind zu dienn zu drein tegen, und wider abzekauffen miteinander mit xvi tl. d. und den nagsten dinst damit der denn davon zu dienen gevellet, ut littera sonat. Actum an Mitichen nach Oculi, anno etc. xxxviiiio.

Summa xxxii d.

Die ii tl. gelcz purkrecht sind hat maister Niclas Arczt abgeledigt, feria sexta ante xi m virginum anno etc. xlio, und der gelter purkrechtbrief ist zesniten.