Margret, Hainreichs Remptendorffer seligen witib, hat versaczt die uberteurung irs drittail hauss, mit allen den gemechen und gemainen stukhen, die nach laut der tailbrief darczu gehörnt, gelegen beym Rotenturn, zenagst Niclasen Kramhofer haws, uber die lxxxi tl. d., dafür es emaln Jorgen Narczndorffer verphent ist. Die vorgemelt ubertewrung drittail hauss, hat sy versaczt auch dem benanten Narczndorffer, irm bruder, und seinen erben, umb hundert pfunt pfening darumb er den sacz von der Permaninn an sich gelost und fur die genant sein swester beczalt hat, und sind zu beczaln, wenn die der benant Narczndorffer oder sein erben vodernt darnach inner den nagsten¹ vir wochen anverziehen. Actum an Montag nach dem Suntag Judica in der vasten, anno etc. xliiio.

Summa vi s. xx d.

Habet cedulam.