Eintrag vom 1452-01-28Informationen zum Dokument

Mathes Miltenberger téndler hat versaczt sein haus, gelegen in dem Schulhof zenagst hern Wilhalms von Púchhaim haus, den erbern Niclasen Reúharts und Petern Wurczer als gerhaben und zuhanden Niclasen Marthen und Annen Thomans Gúnther des Téudler seligen kinder die noch nicht vogtper sind. Umb hundert und zwainczig phunt phenning. Also das er die nuczen und niessen und die kinder darumb innhaben, ziehen und verwesen sol nach allen notdurfften uncz das sy vogtper werdent, so sol er in dann dasselb gelt ausrichten, wan sy das vordernt, darnach ynner den nagsten zwelf wochen. Wer aber das der kinder ains ungevogt abging, so sol sein tail erben auf die andern. Gingen dieselben dann auch ab ungevogt, so sol man von dem gelt des egenant Gunthern nagsten freunten geben zwainczig phunt phenning und das ubrig durch gotts willen ut littera. Actum an Freitag nach sand Pauls tag Conversionis, anno etc. liido.

Summa i tl. d.

Den sacz habent Hanns Praitter und Hanns Threinn gerhaben Thomans Gunther seligen kinder die ungevogte gestorben sind, ledig gesagt an Montag ante Margarethe, anno etc. lvto und das vorgenant gelt ist alles ausgeben.