Eintrag vom 1453-07-27Informationen zum Dokument

Michel Viregk hat versaczt sein haws gelegen in der Wiltwerherstrass zenagst Hannsen Trew haws an aim tail, der erbern Kathrein seiner hausfraun Ambrosien und Ludmilla irn kindern, die sy pey Wenczlaben irm erern mann gahabt hat, umb hundert phunt phenning, die ir haimsteuer von demselben irm mann seligen gewesen sind, also mit ausgenomen worden, das sy die auf dem egnanten seim haws ir lebtteg innhaben nuczen und niessen sol unverchumert und nach irm tod sollen sy lediclich erben auf die obgenant Ambrosien und Ludmilla ire kinder, die dann das vorgnant sein haws dafur innhaben nuczen und niessen sullen solang uncz das er oder sein erben das von in losent. Wer aber das die benant kinder mit tod abgingen ee denn die vorgenant ir muter, so sol sy dann dy obgenant hundert phunt phenning auf dem egnant haws lediclich haben ut littera sonat. Actum an Freitag nach sand Jacobs tag im snit, anno domini etc. liii.

Summa nula propter servicium priorem.

Viregken habet cedulam.

Nota das vorgenant haws hat Hanns Mille mit recht erlangt umb geltschuld ut gerichttzbrief sonat. Actum an Montag ante Omnium sanctorum Anno etc. lviiio.