Michel Pair der tuchbraitter und Kathrey sein muter habent versaczt irn Ramhof mit seiner zugehorung gelegen in der Weihenpurgk zenagst Andres Gundorffl haus, davon man jerlich dint den geistlichen frawn zu Sand Clarn funf phunt phenning zu purkrecht und nicht mer. Dem erbern Hannsen Waldner und seinen erben umb sechsundvirczig Ungrisch guldein. Und sind zu beczaln auf Unser Frawn tag der Liechtmess nagstkunftig anvercziehen ut littera sonat. Actum an Freitag vor sand Scolastica tag, anno domini etc. liiiito.

Summa lxxxviii d.

Den sacz hat ledig gesagt der egnant Waldner.