Eintrag vom 1454-07-05Informationen zum Dokument

Michel Werdner der hiner hat versaczt sein haws gelegen am Judenplacz zenagst Hannsen Weissawer haws an aim tail, und an dem andern zenagst Andres Gundorffer haws. Dem erbern Gebharten Urbinner dem kursner und Margreten seiner hausfraun und irn erben umb hundert und funfunddreissig pfund pfenning landeswerung zurechtter haimsteur und umb hundert pfunt pfenning derselben werung zurechtter morgengab nach der statrechten zu Wienn und sullen in die ausrichten und beczalen, wan sie die an sew ervordernt und den nicht lenger páiten wellent, darnach an alles vercziehen. Und alle dieweil si die innhabent so sullent si in alle jar davon raihen und dienn drewundczwainczig pfund pfenning zu den drein tégen im jar zu Weichnachten zu sant Jorgen tag und zu sand Michels tag zu yedem tag siben pfunt funf schilling und zehen pfenning ut littera sonat. Actum an Freitag nach sand Ulreichs tag, anno etc. liiiito.

Summa xv s. xx d.

Nota die egenant cxxxv tl. d. haimsteur hat die egenant Margret mit wissen und willen ubergeben und abtreten iren kindern Pernharten und Mathesen der verber gen und Barbara Hannsen Steyrer hausfrau lediklich, und die c tl. d. morgengab haben si gelihen Ulreichen Nörczel kursner auf sein haws in der Scharffellukchen pei Sand Michel gelegen ut littera sonat. Actum an Mitichen nach sand Michels tag anno etc. lvito.