Magdalen Petern Melniesser hausfrau, die emaln Mathesen Friesenegker den maurer seligen auch elichen gehabt hat, hat versaczt ir haws gelegen in der Krugstrass zenagst Niclasen Prewssen des sneider haws. Irm kind Wolfgangen das si mit dem egnant Friesenegker gehabt hat, das noch nicht vogtper ist. Umb zwelf pfund pfenning und sind zubeczalen wenn dasselb kind vogtper wirdet, darnach an alles vercziehen. Wer aber, das dasselb kind ungevogt abging, so sullen dann die vorgnant zwelf pfunt pfenning halb gevallen und beleiben der egnant Magdalen seiner muter und halb auf fraun Margrethen Erharts Topler von Lincz hausfraun, des egnant Friesenegker seligen swester und ir erben lediclichen. Actum an Montag vor sand Dionisien tag, anno etc. liiiito und sol auch die vorgnant Magdalen das kind mit leib und gut innhaben ziehen und verwesen uncz das es gevogt wirdet.

Summa nulla propter paupertatem.

Erhart Topler habet cedulam.

Die egnant xii tl. sind zu dem puch gelegt worden an Mantag vor Viti Anno etc. lvto.