Eintrag vom 1455-09-26Informationen zum Dokument

Michel Hufsmid Elspeth sein hausfrau und Dorothe ir tochter Thomans Pölltinger des hufsmids hausfrau habent versaczt irn tail und gerechtikait an dem haws gelegen in der Wolczeil am egk gegen dem Metkeller uber zenagst Mertten des Fleischenaschen haws das von Meinharten Ladner an sew und junkfraun Dorothen auch desselben Micheln Hufsmids tochter mit geschefft kömen ist dem erbern briester hern Micheln Wulfing levit zu Sand Steffan zu Wienn und seinen erben umb sechczig pfunt pfenning und sind zubeczaln von heutigem tag datum der saczung uber ain ganczes jar an alles vercziehen. Actum an Freitag vor sand Michels tag, anno domini etc. lvto.

Summa ½ tl. d.

Ipse habet cedulam.