Eintrag vom 1456-05-07Informationen zum Dokument

Michel Klainswegkl der furer zu Wienn hat versaczt sein haus genant der Kolhof gelegen in der Strauchgassen daselbs zenagst Jorgen des Prantner haus, der erbern Kunigunden Hannsen Perlhaimer seligen tochter und irn erben umb sibenczig pfunt pfenning der swarczen munss und sind zubeczalen von datum der satzung uber zway gancze jar nagstnacheinander kunfftig, und sullen in jerlich davon raihen und geben zehen pfund pfenning der benanten munss zu den zwain tegen im jar halb zu sand Mertten tag und halb zu mittervassten anvercziehen und an abslag des haubtguts. Auch ob der egenant Michel in den bemelten zwain jaren halbe haubtsumm beczalen wurde so sol er dann halbs dinst davon vertragen sein zugeben ut littera. Actum an Freitag vor sand Pangreczen tag Anno etc. lvito.

[Summa] ½ tl. xx d.