Eintrag vom 1459-02-09Informationen zum Dokument

Michel Rienolt burger zu Wienn hat versaczt sein haws gelegen im gesslein als man zu den Weissenprudern geet zenagst Chunczen des Glaser haws mitsambt den hindern zwain hofen dem grossen und dem kleinen als er das von Philippen Krankcher gekaufft hat. Der erberen seiner hausfrawn Kathrein Symons Semelryschen seligen tochter. Umb hundert phunt phenning zu rechter haymstewr und anderthalbhundert phunt phenning morgengab lanndeswerung nach der statrechten hie zu Wienn ut littera sonat. Actum Freitag vor dem Suntag Invocavit in der vasten, anno etc. lviiiio.

Summa ii tl. xx d.

Nota der obgnant Rienolt ist vor seiner hausfraw Kathrey mit tod abgangen und haben nicht kinder miteinander gehabt dadurch synd ir die hundert tl. d. haimstewr ledig worden und die i ½ c tl. d. mag sy innhaben nach innhalt des gmechtbrief der zum puech erlegt ist. Margreth Chúnczen Wiser des pekchen seligen witib.