Magdalen Wolfgangs Frawndinnst yrher seligen witib hat versaczt ir haws gelegen vor Stubentor pey der Wienn zenagst Jorgen Zererr haws. Irn drein kindern Hannsen Dorothen und Margreten die si pei dem egenant Frawndinst seligen gehabt hat und iren erben den dacz rechtlich zugepurt. Umb xxx tl. d. die in von irem vaterlichen gut amm haws auf der Wienn zenagst Hannsen Vogl haws gelegen darumb ich mit dem egenant Fraundinst nucz und gewer gestanden bin und dacz ich verkaufft hab zugepurent. Und sind zubeczaln wenn die egenant kinder vogtper werdent oder ungevogt abging irm negsten erben, den sy rechtlich zugehornt an alles vercziehen. Actum an Freitag post Margarete Anno etc. lviiii.

Summa lx d.

Die fraw hat ain cedl genomen und zu dem puch in der scheffel erlegt.

Nota den sacz hat Johannes Frawndinst ledig gesagt und von der grunntzedlen wegen ain totbrief erlegt. Actum an Freitag vor sand Helen tag, anno domini etc. lxxiiio.

Nota des obgenant hawss sind nutz und gewer komen Steffann Wienner yrher und Helen sein hausfraw und habend den obgenant sacz auf sich und das egenant hauss genomen. Actum an Mittichen vor Thome apostoli anno etc. lxiiiio.