Michel Sluprer messrer hat versaczt sein haws hinder Sand Pangreczen zenagst Pertlmen Nusperger haus. Davon man jerlich dint Sand Pangreczen kappellen an sand Michels tag xii d. und herrn Micheln Paldauf, kaplan der mess, so fraw Anna von Ybs auf der Zwelfpoten altar zu Sand Steffan gestifft hat i tl. d. alles zu purkrecht und nicht mer. Den erbern Hannsen Ledrer richtter zu Elppltaw, Hannsen, Herman und Hannsen Gúnther zechmaister Sand Jorgen kirchen daselbs und irn nachkomen zu stifftung der mess, die Jorg Tallrr daselbshin zustifften geschafft hat. Umb funfczig phunt phenning der swarczen múnss landeswerung in Österreich. Und alle dieweil er und sein erben dieselben summa phenning innhaben und nicht beczalen, so sullen in zu derselben mess alle jar davon reihen dienn iii tl. d. der egenant munss zu den vir quattembern im jar zu yeder quattember iii s. d. und sullent mit dem ersten dinst anheben zu der quattember in der vasten nagstkunftigen an alles vercziehen und an abslag irs haubtguts ungeverlich. Actum an Montag vor sand Lucein tag anno etc. lviiiio.

Summa iii s. x d.