Eintrag vom 1463-06-22Informationen zum Dokument

Michel Prawneysen der vischer hat gemacht Kristina seiner hausfraw vierundsechczigk pfunt Wienner pfenning für ir heiratgut, so sy im zúpracht hat auf seinem hawss mit seiner zugehorung gelegen vor Werdertor undern Vischern zenagst weilent Steffans des Flótzer haws, also mit ausgenommen wortten ist das der vorgenannt Michel vor der egenant Kristina seiner hausfrawen mit tod abgeet ee dann sy, so sullen ir dann die obgenant vierundsechczigk pfunt Wienner pfenning ledigklich nachvolgen und zústeen allen iren frummen damit zeschaffen und zehanndlen wie sy verlust an irrung des benant Micheln und seiner erben und menigklichs von seinen wegen. Gieng aber die egenannt Kristina mit tod ee ab dann der vorgenannt Michel ir man, son sind im dann die obgenant vierundsechczigk pfunt pfenning auf dem egenant seinem hawss ganntz wider ledig worden allen seinen frummen damit ze schaffen wie in verlust an menigklichs irrung ungeverlich. Actum an Mitichen vor sand Johanns tag zu Súnbenten, anno etc. lxiiio.

Summa ½ tl. viii d.