Eintrag vom 1463-07-18

Michel Menestorffer burger zu Wienn hat versaczt die ubertewrung seins zúhaws gelegen am Hohenmarkcht im Winkchel, zenagst dem anderm seinem haws genant das Ryemhaw an aim tail und an dem andern zenagst seinem haws, do er selbs yecz wonhafft inne ist, uber die hundert und vierczigk phunt Wienner phenning, darumb es junkchfraun Feronica Wolfgangs Salczer seligen tochter vormalen versaczt ist. Der erbern frawn Martha Wolfgangs Salczer seligen witib und irn erben umb hundert und virczigk phunt Wienner phenning und sind zubeczaln auf Unser lieben Frawn tag der Liechtmess nagstkunftig an alles vercziehen ungeverlich. Actum an Montag vor sand Maria Magdalen tag anno domini etc. lxiiio.

Summa viiii s. d.

Pauchnperger der egenant Salczerin erben gwaltttrager habet cedulam.

Bild in neuem Fenster öffenen

Zitierhinweis

Eintrag vom 1463-07-18, Nr. 01342, In: Ertl, Thomas/Andorfer, Peter/Fiska, Patrick/Weinbergmair, Richard/Grünwald, Korbinian: Ein Wiener Grundbuch des 15. Jahrhunderts. Digitale Edition des Satzbuch CD (1438-1473). (Mai 2021), https://grundbuecher.acdh.oeaw.ac.at/e01342_1463-07-18.html