Michel Schóner goltsmid mitburger zu Wienn hat versaczt die ubertewrung seins hawss gelegen am Allten Kolmarkt gegen Sand Michels kirchen über zenagst Hannsen Mewrl hawss an ainen tail uber, die ii tl. d. gelts purkrechts, darumb es herrn Niclasen Kiliber capplan der mess, so Ulreich Flekh auf Unser Frawen altar in Sand Johanns cappellen vor Werdertor gelegen gestifft hat, die abzelosen sind mit xx tl. d. nach lautt ains purkrechtsbriefs, auch uber die hundert phunt xi s. und fúnff phenning, darumb es Pangréczen und Elspethen, Andres Meichsner seligen kindern, und über die iii tl. d., die Scolasticen des yczbenanten Andres seligen tochter vormalen darauf verschriben seinn. Dem erbern Hannsen Kuntstakh gesworen weger burger zu Wienn, an stat und zu hannden Hannsen Krikerawer burger zu Vi Villach und desselben Krikerawer erben umb zewenundvirczigkh Ungrisch guldein gerecht in gold und wag. Und sind zubezalen auf sand Jorgen tag nagstkúnfftigen an alles vercziehen getrewlich und ungeverlich. Actum an Freitag nach sand Pangréczen tag, anno domini etc. lxviiivo.

Summa iiii s d.

Kuntstokh habet cedulam.

Nota Kristan Pösch hat den sacz ledig gesagt auf ain gwaltbrief und quittung zum puch erlegt, actum an Freitag vor sand Mathias tag 79.