Michl Holczl der pekh mitburger zu Wienn und Kunigund sein hausfraw habent verkaufft zway phunt Wienner phenning gelts purkrechts auf der ubertewrung irs haws mit seiner zugehorung gelegen auf der Hochstrass zenagst Niclasen Lichtenawer des krakenmacher haws uber die virczigk phunt phenning darumb es vormaln Hannsen Stremphl weilent burger zu Wienn seligen nagsten erben versaczt ist, und emaln gelegen gewesen sein auf Linharten Zwelifer des sneider haws gelegen pey Sand Michel zenagst Linharten Perger haws, umb sechczehen phunt Wienner phenning dem erbern priester her Merten Paltinger capplan der mess, so Wernhart Schenkh vorstmaister auf Sannd Kathrein altar in Sand Michels kirchen zu Wienn gestifft hat und seinen nachkomen kapplén derselben mess. Und sind zu dienn zu drein tegen im jar zu sand Jorgen tag, zu sand Michels tag und zu Weichnachten, und wider abczekauffen mit sechtzehen phunt Wienner phenningen und den nagsten dinst damit der dann davon zu dienn gevellet ut littera sonat. Actum an Mitichen vor sand Thomans tag appostoli, anno etc. lxxmo.

Summa xxxii d.