Michl Holczl pekch und Kunigund sein hausfraw habent verkaufft zweliff schilling phenning gelts purkrechts auf der ubertewrung irs hawss gelegen auf der Hochstrass gegen des von Liechtenstain hawss uber, zenagst Niclasen Liechtenawer hawss, uber die virtzigkh phunt phenning, so Hannsen Stremphl seligen erben und uber die zway phunt phenning, die der kirchen zu Sand Michel zu purkrecht emalen darauf verschriben sein und emalen umb zweliff phunt phenning, die vormalen auf Jobsten Pergawer haws hinder Sand Pangréczen sein gelegen gewesen. Dem erbern Linharten Perger diezeit kirchmeister der bemelten Sand Michels kirchen und sein nachkomen zuhannden derselben kirchen. Und sind zu dienn zu drein tégén im jare und widerumb abzekauffen miteinander mit zweliff phunt phenning und dem nagsten dinst damit ut littera sonat. Actum an Mitichen vor Judica in der vassten, anno domini etc. lxximo.

Summa xxiiii d.