Eintrag vom 1440-09-02Informationen zum Dokument

Niclas Sibenbürger der wuntarczt hat versaczt sein haus, gelegen am Alten Kolmarkt zenagst Jórgen Pruntaler haus. Wolfgangen und Ursulen, maister Hannsen von Waidhofen des arczts seins vorvadern und Margreten weilent seiner hausfrawn seligen kindern, und irn erben, umb hundert phunt Wiener pfening. Und sind herkomen von den zwain drittail hauss die in dieselb ir mutter geschafft und darnach von Niclasen Underm Himel munsmaister und Linharten Newnhofer an stat und als gerhaben derselben kinder darumb gekaufft hat. Und sind zu beczaln, wenn dieselben kinder vogtber werden oder ob sy ungevogt abgingen darnach írn nagsten erben anvercziehen. Actum an Freytag post Egidi, anno etc. xlo.

Summa vi s. xx d.

Nota der vorgenant Sibenburger hat Jorgen Nésel und der egenanten Ursulen seiner hausfrau irn tail an den egenanten c tl. d. ausgericht l tl. d. darub er ain quittung hat, an Montag post Reminiscere, anno etc. xlviio.

Den sacz hat der hubenmaister ledig gesagt, feria sexta post Pas[...]

Nota die l ter sind zu Wolfgangen hand nidergelegt zum puch, feria secunda ante Thome apostoli, liido.