Niclas Plumentrit, der schuster, und Elsbet, sein hausfraw, habent verkaufft drew pfunt pfening geltz purkrechts auf irm halben haus, gelegen am Alten Kolmarkht gegen des von Walse haus uber zenagst Erharts Stantfest des peken haus. Umb xxiiii tl. d., dem erbern weisen Ulreichen Perman, kirchmaister zu Sand Stephan zu Wienn, und seinen nachkomen, der ii tl. geltz zu Herwarts auf der Séwl ewigen liecht und dacz l tl. geltz zu der kirhen daselbs gehórnt und sind zu dienn zu drin tegéen und wider abzekauffen miteinader und den negsten dinst damit ut littera sonat. Actum an Mitichen nach Invocavit in der vasten, anno etc. xlio.

Summa xlviii d.

Nota das halb¹ haws hat Symon Pótl kirchmaister zu Sand Steffan umb versessen purkrecht behabt nach laut der gericht und amptbrief die zu dem puch erlegt sind und hat das verkauftt Kunczen Mullner schuster² umb cxl cxxv tl. der irn xxiiii tl. haubtguts xiii tl. versessen purkrecht und iii tl. die mit der rechten daran und mit vertigung darauf gegangen und der kirchen gevallen sind. Und die xl tl. darumb daz haus Wolfgangen Hannsen Paldaufs schuster sun versaczt gewsen ist der genanten Kuncz Mullner zu dem puch mitsambt der ubermass des gelts gelegt hat. Actum an Mitichen vor Nativitatis Marie, anno etc. xlviiio.