Niclas Pernhart und Helen, sein hausfrau, habent versaczt irn hof, gelegen auf der Alsserstrass zenagst Philippen des Pernharts öden hofmarch mit dem ynnern rain, und dem pawmgarten daselbs, darinn die Rossswem stet, als der yecz mit stekchen und mit plankchen verfridt ist, gelegen zenagst des egnanten Pernharts prantstat, und ain hofstat weingarten daran hinder dem egnanten hof gelegen mit núczen mitall. Dem edlen Albrechten Pirpawmer und seinen erben, umb c und xxx tl. Wienner pfening. Und sind zu beczalen hie zu Wienn von dem nagstkúnftigen sant Jacobs tag uber drew gantze jar anvercziehen. Actum an Freitag vor sant Ulreichs tag, anno etc. xlvto. [ganzer Absatz getilgt]

Summa lx d.

Nota den sacz hat Achacz Craupern, auf die ubergab im bescheenn, und sein gerechtigkait, so er darin gehabt hat, ledig gesagt. Es ist auch durch in der saczgeltbrief zum puch bracht und vernicht. Actum an Monntag nach dem Sonntag Judica in der vassten, anno 95.